El grupu Folk piloñés, "Fontoria" torna esti domingu a los escenarios en Grau

El grupu folk piloñés Fontoria actuará esti domingu en Grau. La cinta tendrá llugar a les nueve de la nueche na Plaza Ponte (en casu de mal tiempu treslladaráse a la capiella Los Dolores)

El proyeutu «Fontoria» ñaz na primavera de 2017 nel conceyu Piloña (Asturies), pero nun ye hasta la seronda d’esi mesmu añu cuando llogra consolidase en forma cuartetu.
El grupu adquier tintes progresivos ensin escaezer los sones más tradicionales, entamando a facer un amestáu coles músiques d’otros llugares como Breizh, El Piamonte italianu o la música tradicional d’Europa central, allegándose al neoclasicismu, el folk barrocu de los 60 y 70 del sieglu XX, asina como dalgún esperimentu cola música de vanguardia.
N’abril de 2019, salió al mercáu el so primer discu nomáu NORDÉS.

Nestos momentos la formación ta finando'l so segundu discu, que llevará'l títulu de EL MÁXICU VIAXE DE FIONNA DE MORLAY.