Los escolinos del colexu L'Ablanu de L'Infiestu participaron esta mañana na presentación del llibru 'Cuentos del trasgu fartón' del autor piloñés Enrique Carballeira. Más de cien rapazos fixeron preguntes, oyeron cuentos y contemplaron dalgún audiovisual nel salón d'actos del centru. Autor, profesores y neños amosáronse contentos col desarrollu de l'actividá. El centru piloñés cunta con una gran respuesta de los escolinos a les clases de llingua asturiana y entama davezu actividaes alrodiu de la lliteratura y los vezos asturianos.
Al finar l'actividá, los neños pudieron responder a una encuesta na que valoraron muy positivamente, en más del 90% de los casos, l'actividá d'esta mañana.
No hay comentarios:
Publicar un comentario