La banda gaites LaKadarma asoleya nuevu calendariu dedicáu al arte pictóricu asturianu

Baxo'l títulu La MazKarada, LaKadarma presenta'l so calendariu pal añu 2021. Nesta ocasión, l'agrupación quier dar visibilidá al arte pictóricu asturianu pente medies de la recreación d'obres de pintores del país, como Marixa, Julia Alcayde, Mariano Moré o'l pernomáu Evaristo Valle.
Con un total de trece semeyes distribuyíes pente les ocho páxines del almanaque, La MazKarada va ser una edición llimitada que podrá acutase per tres víes: al traviés de la páxina web de LaKadarma (www.lakadarma.com), na plataforma www.musicaasturiana.com o contautando direutamente con componentes de la banda de gaites.
Como novedá, esti añu van facese unvios pa facilitar la distribución.
El preciu del calendariu La MazKarada sedrá de 7€ na venta direuta y de 10€ (más gastos d'unviu) nes modalidaes online.