Bimenes anuncia que llevará la Navidá a tolos pueblos y entamará una cabalgata diferente

El ayuntamiento de Bimenes acaba de hacer público un comunicado en el que informa de su intención de acercar la Navidad a todos los pueblos del concejo y de organizar una cabalgata diferente y adaptada a la situación de alerta sanitaria.

Además, los Reyes Magos se han puesto en contacto en estas últimas horas con el Consistorio, para garantizar su presencia a principios de enero en la zona.

Este es el comunicado municipal completo: 

"Dende l’Ayuntamientu Bimenes camentamos que toes y toos somos yá conscientes
de qu’estes próximes fiestes navidiegues nun van ser como siempre, a cuenta del
andanciu’l coronavirus, pero que sí podemos facer que sigan teniendo un aquello
especial. Poro, queremos proponer a la vecindá qu’aguape les sos cases engalanándoles
lo más posible per fuera, con decoración navidiega de toa triba –más si cabe qu’otros
años– y una vez fecho, que se mande una semeya a la direición de corréu electrónicu
ayuntamientubimenes@gmail.com coles señes afayadices pa identificar de quién ye la
casa. Toles semeyes que vaigan llegando, afitando de plazu máximu pa ello’l sábadu 19
d’avientu, van asoleyase na páxina de Facebook municipal y a los dueños de la imaxe
que tenga más “me gusta” va facése-yos llegar una cesta con productos de Bimenes
como premiu. El plazu pa votar pola semeya de la casa cola decoración navidiega más
prestosa queda afitáu ente’l domingu 20 y el Día de Navidá, vienres 25 d’avientu.

D’otra miente, queremos comunicar tamién que recibimos comunicación del
Príncipe Aliatar nel sen de que nun va poder recibir a les neñes y neños del conceyu na
Casa Cultura de Santuyano, como yera vezu, pero que ta dimpuestu a dir pelos pueblos a
recoyer les cartes empobinaes a les SS. MM. los Reis Magos d’Oriente nel casu de
qu’haiga neños y neñes que nun tengan otra manera de mandales. Nesti casu l’actividá ta
programada pal domingu 27 d’avientu, que ye cuando cuenta Aliatar visitar Bimenes. Pa
esta actividá fáese necesario que madres y padres de les neñes y neños que quieran
apurrí-y personalmente la so carta a Aliatar avisen na Casa Conceyu, llamando al teléfonu
985700004 nos díes enantes, col enfotu de que dende l’Ayuntamientu Bimenes podamos
echá-y un gabitu a Aliatar a organizar meyor la so xira per tierres yerbates.

Por último, nel Ayuntamientu Bimenes tamién recibimos comunicación de les SS.
MM. los Reis Magos d’Oriente relativa a que’l próximu 5 de xineru la Cabalgata nun se va
cellebrar peles cais de Santuyano con presencia de públicu, como ye vezu tamién, pa
evitar que la xente s’amontone y asina mirar meyor pola salú de toes y toos, en riesgu
dende hai meses a cuenta del andanciu. Sicasí, van tratar de que nengún neñu o neña de
Bimenes –que saben que se portaren perbién y más nesti tiempu tan murniu– quede
ensin los sos regalos y que tratarán tamién de visitar tolos pueblos del conceyu, a lo llargo
la tarde’l día 5, pa que la reciella yerbato pueda saludalos ensin salir de casa, que ye
onde hai que tar. La salida de les SS. MM. los Reis Magos d’Oriente va ser dende
Fayacava a les 17:00 hores, percorriendo los pueblos de Bimenes siguiendo un orde que
tán estudiando estos díes xunto colos responsables municipales.
Esta riestra d’actividaes navidiegues, adautaes a la situación sanitaria d’anguaño,
fáense precisamente con un calter preventivu y, poro, nun quiten de siguir cumpliendo con
toles midides de seguridá afitaes poles autoridades sanitaries, principalmente l’usu de
mázcara y el caltenimientu de les distancies de seguridá ente la vecindá".