El colexu públicu L'Ablanu de L'Inifiestu entama mañana vienres la presentación del nuevu llibru del escritor y ilustrador d'Enrique Carballeira, "Cuentos del trasgu fartón", trabayu que los escolinos tán emplegando como material de llectura esti cursu.
La publicación cunta con 40 páxines onde se recueye un garrapiellu cuentos protagonizaos por personaxes bien estremaos, y ta ilustráu a too color.
Nestes páxines podemos atopar, por exemplu, la historia de Flora, la policía de la Lluna que tien, ente otres llabores, la de controlar el gran tráficu de ballenes que pasen despacín, esnalando ente los planetes.
Tamién recueye la historia d'un llobu mui especial, empeñáu en facer el bien, o la d'Olson, un osu vieyu, que nun tien más remediu qu'allegase a los pueblos pa poder comer los esperdicios que la xente dexa na basura.
Nun falta tampoco un cuentín protagonizáu por Sidronucu, el personaxe neandertal de la cueva piloñesa del Sidrón.
No hay comentarios:
Publicar un comentario